viernes, 25 de noviembre de 2016
DÍA DA NON VIOLENCIA
Hoxe é o día internacional contra a violencia de xénero. Un día con sabor amargo.
Sería mellor sácalo do calendario,
sería mellor non ter que lembralo.
Moitas mulleres son maltratadas,
moitas mulleres sofren a violencia machista
e non tan lonxe de todos nós.
40. Un número tráxico que nos fai estremecer.
40 mulleres morreron xa en España no que vai de ano
a mans dos seus homes,
víctimas da sinrazón dunha violencia atroz.
40. Que pena!
40 vidas truncadas,
40 soños rotos,
40 coiteladas á dignidade humana.
Elas quedaron sen voz.
Sexamos a súa voz:
“Nin unha máis, nin unha máis, nin unha máis”…
viernes, 6 de mayo de 2016
VÍDEOCONFERENCIA
Os nen@s de 4º B mantivemos unha conferencia co colexio veciño, o CEIP Menéndez Pelayo. Fixemos unha pequena representación sobre a importancia que ten o ler sempre e como eso pode cambiar as nosas vidas ou neste caso a de algúns animais.
Aquí vos deixamos o vídeo que compartimos cos nosos compañeir@s.
Aquí vos deixamos o vídeo que compartimos cos nosos compañeir@s.
lunes, 25 de abril de 2016
ANIMACIÓN Á LECTURA
Aquí vos deixamos unha pequena obriña de teatro, para animarvos a continuar lendo.
Presentador 1. O sabado
pasado celebramos o Dia do Libro, pero en realidade podemos celebralo todos os
dias.
Presentador 2. Porque cada dia hai un libro que agarda por
ti a que o collas, que o abras, que o leas, que sintas a sua maxia.
Presentador 1. Os libros
nos dan vida e nos dan sabiduria.
Presentador 2. Moi certo.
Eu sei de catro animais sabios por ler, por un conto. Escoitemos a sua
historia.
ANIMAIS QUE SE VOLVERON
SABIOS
- A lebre
Ola. Son unha lebre.
Cando lin o conto da lebre derrotada por unha
tartaruga nunha carreira aprendin a ser humilde.
Agora son mais sabia.
Por ler, por un conto.
- O gato
Ola. Son un gato.
Can lin o conto do gato con botas aprendin a usar o
inxenio para axudar.
Agora son mais sabio.
Por ler, por un conto.
- A ra
Ola. Son unha ra.
Cando lin o que lle pasou a ra que a boi queria
chegar, que estoupou de tanto comer para medrar, aprendin a aceptar o que
son unha ra.
Agora son mais sabia.
Por ler, por un conto.
- A galina
Cando lin como acabou a galina que ponia ovos de
ouro, destripada pola cobiza dos demais, aprendin a non presumir do que fago.
Agora son mais sabia.
Por ler, por un conto.
Presentador 1 y 2. E lembrade, amiguinos e amiguinas…
Todos. LER E DE SABIOS!
sábado, 23 de abril de 2016
O SEÑOR DON LIBRO
O
SEÑOR DON LIBRO
Estaba o señor don Libro sentadito no seu sillón,
cun ollo pasaba a folla e co outro vía a televisión.
Estaba o señor don Libro aburrido no seu sillón;
esperaba a visita dalgún pequeno lector.
Don Libro era un tío moi sabio, que sabía da Lúa do Sol,
que sabía de terras e mares, de historias e aves, de peixes
de toda cor.
Estaba o señor don Libro a tiritar de frío no seu sillón;
viuno un neno, colleuno nas súas mans e o libro entrou en
calor.
miércoles, 13 de abril de 2016
MANIFESTO ESCOLAR CONTRA A VIOLENCIA DE XÉNERO
Vivía en
Lugo.
Era a nosa
veciña.
Tiña 24 anos
e un montón
de ilusións…
Unha rapaza
chea de vida.
Chamábase
Tatiana.
A fin de
semana pasada unha man salvaxe acabou con ela,
quebrou
todos os seus soños.
Tres días de
loito oficial.
Unha
homenaxe póstuma.
O loito
verdadeiro no noso corazón,
que latexa
de tristura por unha vida rematada
antes de
tempo e dun xeito tan violento.
E con
Tatiana xa van quince en España,
quince vidas
truncadas
a mans das
súas parellas ou exparellas.
Ningunha
muller merece o maltrato e a violencia.
Ningunha
muller merece esta última humillación…
Un minuto de
silencio por Tatiana
e todas as
demáis víctimas da violencia de xénero.
Unha vela
por cada unha e un bico para todas.
De corazón.
martes, 8 de marzo de 2016
MANIFESTO DÍA DA MULLER
Día da muller traballadora
(8 de marzo)
O Día
Internacional da Muller, orixinalmente coñecido como Día Internacional da Muller Traballadora,
conmemorado cada 8 de marzo, está recoñecido pola ONU como unha xornada para reivindicar a igualdade e de
facer balance sobre a situación das mulleres na sociedade.
Aínda que todos os días deberiamos recoñecer o valor e
igualdade da muller, celébrase neste día en lembranza dunha marcha celebrada o
8 de marzo de 1908 na que milleiros de mulleres marcharan protestando
polo traballo dos menores e pedindo melloras nas condicións laborais e o
dereito ao voto baixo o lema de "Pan e rosas".
Frases para o día da muller
“Cuando una mujer se rinde es porque ha vencido” (Aldo Camarota)
“Una verdadera luchadora no es la que siempre gana, sino la que a pesar de
sus derrotas nunca se rinde”
“La mujer marca el camino” (Andreu Buenafuente)
“Sin la mujer, la vida es pura prosa” (Rubén Darío)
No noso cole imos pasar polas aulas facendo unha manifestación en pro da
igualdade da muller baixo o lema: “Eu tamén podo”. As nenas portarán unha
pequena pancarta individual co símbolo da muller contendo un puño (símbolo que
aparece ao final de páxina), nun xesto moi reivindicativo. Un grupo de nenos e
nenas dialogarán do seguinte xeito:
Neno - Eu podo ser bombeiro. Nena
- Eu tamén podo.
Neno - Eu podo ser futbolista. Nena - Eu tamén podo.
Neno - Eu podo ser espía. Nena -
Eu tamén podo.
Neno - Eu podo ser empresario. Nena
- Eu tamén podo.
Neno - Eu podo ser profesor. Nena
- Eu tamén podo.
Neno - Eu podo ser militar. Nena
- Eu tamén podo.
Neno - Eu podo ser vendedor. Nena
- Eu tamén podo.
Neno - Eu podo ser piloto. Nena
- Eu tamén podo.
Neno - Eu podo ser carteiro. Nena
- Eu tamén podo.
Neno - Eu podo ser pulpeiro. Nena
- Eu tamén podo.
Neno - Eu podo ser músico. Nena
- Eu tamén podo.
Neno - Eu podo ser informático. Nena
- Eu tamén podo.
Neno - Eu podo ser avogado. Nena
- Eu tamén podo.
Neno - Eu podo ser arqueólogo. Nena
- Eu tamén podo.
Neno - Eu podo ser político. Nena
- Eu tamén podo.
Neno - Eu podo ser xogador de baloncesto. Nena
- Eu tamén podo.
Neno - Eu podo ser astronauta. Nena
- Eu tamén podo.
Neno - Eu podo ser socorrista. Nena
- Eu tamén podo.
Neno - Eu podo ser entrenador. Nena
- Eu tamén podo.
Neno - Eu podo ser policía. Nena
- Eu tamén podo.
Neno - Eu podo ser libreiro. Nena
- Eu tamén podo.
Neno - Eu podo ser cantante. Nena
- Eu tamén podo.
FELIZ DÍA A TODAS E, SOBRE TODO,
TODOS OS DÍAS DO ANO!
miércoles, 24 de febrero de 2016
Musicalización Pra a Habana
Para conmemorar o 179 aniversario do nacemento de Rosalía de Castro, os alumn@s de 4º, fixeron a musicalización do poema Pra a Habana.
Esperamos que vos guste.
Esperamos que vos guste.
Rosalía de Castro
DIA
DE ROSALÍA DE CASTRO – 24 de febreiro
Ola a todos, pequenos e grandes, grandes e pequenos:
Eu son Rosalía, unha escritora galega á que lle gusta moito a poesía.
Escribín poemas variados e de temas diversos; iso si, con moito
sentimento.
Hoxe, 24 de febreiro, é o meu día.
As escritoras e escritores Galegos queren así homenaxearme no día do meu
aniversario.
Sabedes cantos anos cumpro? ... Pois 179; nin máis nin menos.
Din que estou enterrada en Santiago de Compostela, no Panteón dos
Galegos Ilustres,
pero ese é un lugar moi serio e frío, sabedes?
Eu non me quedei alí e por iso se
equivocan.
Se me queredes de verdade encontrar, buscádeme nas miñas obras,
ollade os meus libros, lede algún poemiña escrito por min.
O meu corazón, dalgún xeito misterioso, segue a latexar nos meus versos.
Alí, no medio deles, me atoparedes.
Se queredes facerme un agasallo vide visitarme á biblioteca.
Alí agardo por vós, agochada nos meus poemiñas.
Un bico e unha rosa para todos.
Deica o ano que vén.
A vosa amiga
ROSALÍA
viernes, 5 de febrero de 2016
ENTROIDO
UNHA FESTA MOI GALEGA
Estamos ás portas da festa
máis transgresora do ano: o Entroido, unha festa moi nosa, con moita tradición
en Galiza; lembremos que a nosa comunidade foi unha das poucas que seguiu
celebrándoo en tempos no que estaba prohibido.
Imos comezar un percorrido por lugares de
Galiza nos que esta tradición goza de moi boa saúde. Cada curso, un recuncho.
Propoñémovos achegarnos neste curso a Viana do Bolo, no leste de Ourense, preto
xa do límite coa provincia de Zamora.
O ENTROIDO EN VIANA DO BOLO
O nome
oficial desta celebración nesta vila é “Festa da Androlla e o Entroido”. Os
protagonistas son:
- A androlla, un saboroso embutido de porco que se convirte no
prato estrela e que se degusta nun multitudinario banquete popular o domingo de
Entroido, tamén chamado Domingo Gordo.
- Os Folións, que son as comparsas que van desfilando e
animando polas rúas coa súa música ben sonora. Ademáis dos grandes bombos tocan
sachos con martelos, cun toque moi metálico.
- O Boteiro, unha personaxe con máscara negra e impresionante
penacho sobre a cabeza. A súa misión é anunciar a chegada do Folión e abrirlle
paso coa monca, un vistoso pao co que vai dando saltos e mantendo a raia ao
público.
Aviso
para navegantes:
Podedes ver un vídeo en
“Carnaval de Viana do Bolo – You Tube” e imaxes en “imágenes de folións viana
do bolo”.
OCURRENTE, TRANSGRESOR E DIVERTIDO ENTROIDO A TODAS E TODOS!
O Equipo de Dinamización Lingüística
Suscribirse a:
Entradas (Atom)