ROSALÍA

Rosalía de Castro by guimak7845 on Scribd

DÍA DE ROSALÍA

DÍA DE ROSALÍA (24/02/17)

“A FADA ROSALÍA NO NOSO COLE”

·         Actividade: presentación da fada Rosalía (figura en goma Eva)

·         Destinatarios: alumnado de Infantil e Primaria

·         Lugar: percorrido polas aulas e colocación final na biblioteca como mascota do galego

·         Actores: alumnos/as de 3º de Primaria

·         GUIÓN:

_______________________________________________________________________

1. Ola. Son Rosalía, Rosalía de Castro, escritora, a moita honra.
2. Nacín un día coma hoxe, 24 de febreiro, de hai xa moitos anos.
3. Axiña namorei da terra galega, das súas xentes e da súa fala.
4. E esa fala nos libros gardei para que agora a poidades sentir.
5. Fun atrevida, moi atrevida, porque publiquei libros nunha época na no que só o facían os homes e, ademáis, en galego, cando quen mandaba era o castelán.

_______________________________________________________________________

1. A miña roupa é de cor negra e gris por dúas razóns.

2. Porque naquel entón as fotos facíanse en branco e negro; non había fotos en cor.

3. E tamén porque tiven un carácter tristeiro… E tiña os meus motivos.

4. Un deles: sempre tiven morriña da miña terra ao ter que marchar dela polo traballo do meu home.

5. Outro foi a perda de dous dos meus fillos. Foi moi duro para min.

_______________________________________________________________________

1. Ademáis, non gozaba de moi boa saúde. De feito, un dos meus médicos me chamaba a “eterna enferma”…

2. As miñas ás son páxinas, as páxinas dun libro…

3. Douradas pola maxia que conteñen e abertas para facervos voar.

4. E na miña man, algo tan querido para min: a miña pluma.

5. Para escribir, para deixar fluir polos meus dedos todo o que levaba dentro…

_______________________________________________________________________

1. Fai coma min…

2. Pensa en galego…

3. Soña en galego…

4. Sinte en galego…

5. Escribe en galego…

_______________________________________________________________________

SE ME QUERES VISITAR NA BIBLIOTECA ME ATOPARÁS!

Ata o ano que ven…

DÍA DA NON VIOLENCIA

Hoxe é o día internacional contra a violencia de xénero. Un día con sabor amargo. Sería mellor sácalo do calendario, sería mellor non ter que lembralo. Moitas mulleres son maltratadas, moitas mulleres sofren a violencia machista e non tan lonxe de todos nós. 40. Un número tráxico que nos fai estremecer. 40 mulleres morreron xa en España no que vai de ano a mans dos seus homes, víctimas da sinrazón dunha violencia atroz. 40. Que pena! 40 vidas truncadas, 40 soños rotos, 40 coiteladas á dignidade humana. Elas quedaron sen voz. Sexamos a súa voz: “Nin unha máis, nin unha máis, nin unha máis”…

VÍDEOCONFERENCIA

Os nen@s de 4º B mantivemos unha conferencia co colexio veciño, o CEIP Menéndez Pelayo. Fixemos unha pequena representación sobre a importancia que ten o ler sempre e como eso pode cambiar as nosas vidas ou neste caso a de algúns animais.

Aquí vos deixamos o vídeo que compartimos cos nosos compañeir@s.

ANIMACIÓN Á LECTURA

Aquí vos deixamos unha pequena obriña de teatro, para animarvos a continuar lendo.

Presentador 1. O sabado pasado celebramos o Dia do Libro, pero en realidade podemos celebralo todos os dias.

Presentador 2.  Porque cada dia hai un libro que agarda por ti a que o collas, que o abras, que o leas, que sintas a sua maxia.

Presentador 1. Os libros nos dan vida e nos dan sabiduria.

Presentador 2. Moi certo. Eu sei de catro animais sabios por ler, por un conto. Escoitemos a sua historia.

ANIMAIS QUE SE VOLVERON SABIOS

1. A lebre

Ola. Son unha lebre.

Cando lin o conto da lebre derrotada por unha tartaruga nunha carreira aprendin a ser humilde.

Agora son mais sabia.

Por ler, por un conto.

2. O gato

Ola. Son un gato.

Can lin o conto do gato con botas aprendin a usar o inxenio para axudar.

Agora son mais sabio.

Por ler, por un conto.

3. A ra

Ola. Son unha ra.

Cando lin o que lle pasou a ra que a boi queria chegar, que estoupou de tanto comer para medrar, aprendin a aceptar o que son  unha ra.

Agora son mais sabia.

Por ler, por un conto.

4. A galina

Cando lin como acabou a galina que ponia ovos de ouro, destripada pola cobiza dos demais, aprendin a non presumir do que fago.

Agora son mais sabia.

Por ler, por un conto.

Presentador 1 y 2. E lembrade, amiguinos e amiguinas…

Todos. LER E DE SABIOS!

O SEÑOR DON LIBRO

O SEÑOR  DON  LIBRO

Estaba o señor don Libro sentadito no seu sillón,

cun ollo pasaba a folla e co outro vía a televisión.

Estaba o señor don Libro aburrido no seu sillón;

esperaba a visita dalgún pequeno lector.

Don Libro era un tío moi sabio, que sabía da Lúa do Sol,

que sabía de terras e mares, de historias e aves, de peixes de toda cor.

Estaba o señor don Libro a tiritar de frío no seu sillón;

viuno un neno, colleuno nas súas mans e o libro entrou en calor.

MANIFESTO ESCOLAR CONTRA A VIOLENCIA DE XÉNERO

Vivía en Lugo.

Era a nosa veciña.

Tiña 24 anos

e un montón de ilusións…

Unha rapaza chea de vida.

Chamábase Tatiana.

A fin de semana pasada unha man salvaxe acabou con ela,

quebrou todos os seus soños.

Tres días de loito oficial.

Unha homenaxe póstuma.

O loito verdadeiro no noso corazón,

que latexa de tristura por unha vida rematada

antes de tempo e dun xeito tan violento.

E con Tatiana xa van quince en España,

quince vidas truncadas

a mans das súas parellas ou exparellas.

Ningunha muller merece o maltrato e a violencia.

Ningunha muller merece esta última humillación…

Un minuto de silencio por Tatiana

e todas as demáis víctimas da violencia de xénero.

Unha vela por cada unha e un bico para todas.

De corazón.